ವಿಧಿ ಲಿಖಿತ

ವಿಧಿ ಲಿಖಿತ
ಇದು ಸೃಷ್ಠಿಯ ಸಂಕೇತ
ಯಾರಿಗುಂಟು ಯಾರಿಗಿಲ್ಲ
ಇದ್ದವರಿಗೆ ಏನೂ ಇಲ್ಲ
ಇಲ್ಲದವರಿಗೆ ಅವಕಾಶಗಳೇ ಇಲ್ಲ ||


ಶೃಂಗಾರ ಬಂಗಾರ ತುಂಬಿದೆ ಎಲ್ಲಾ
ಅನುಭವಿಸಲು ಯೋಗವಿಲ್ಲ
ಗಟ್ಟಿ ದೇಹ ತುಂಬು ಮೋಹ
ಇವರಿಗಿನ್ನೂ ಹಸಿವಿನ ದಾಹ ||


ಕೋಟಿ ಲಕ್ಷ ಇದೆ ಎನ್ನುವರೆಲ್ಲ
ತಿನ್ನಲು ಅವರಿಗೆ ಬಾಯಿ ಇಲ್ಲ
ಬಾಯಿ ಇದ್ದು ಬಡತನದಲಿ ಬಿದ್ದು
ಸಿರಿತನದ ಬರದೇ ಸೊರಗಿದೆರಲ್ಲಾ ||


ನಾವು ಅನುಕೊಂಡ ಹಾಗೆ ಏನೂ ಇಲ್ಲ
ಪ್ರಕೃತಿ ನಿಯಮ ಅಳಿಯುವುದಿಲ್ಲ
ಆಶೆ ಆಕಾಂಕ್ಷೆಗಳಿಗೆ ಕೊನೆಯೇ ಇಲ್ಲ
ಯಾರಿಗುಂಟು ಯಾರಿಗಿಲ್ಲ ||


ಚಿತ್ರ ಕೃಪೆ : fc07.deviantart.net